Golaha Wasiirrada Xukuumadda Federaalka Soomaaliya ayaa maanta yeeshay kulankooda toddobaad laha ahaa, iyaga oo uga wada hadlay xaaladda guud ee dalka.
Golaha ayaa dhageystay warbixin ku saabsan guulaha ay ciidamada Puntland ka gaareen dagaalka ka dhanka ah Daacish oo ay ka wadaan Buuraha Caalmiskaad ee gobolka Bari.
“Golaha ayaa go’aamiyay in hey’adaha dowladda ay mid walba qaadato doorkeeda waxtarka ah ee kaga aadan garab istaagga ciidamada iyo shacabka Puntland ee dagaalka kula jira cadowga” ayaa lagu yiri qoraal kooban oo ka soo baxay Golaha Wasiiradda.
Ciidamada Amniga Puntland ayaa maalmihii la soo dhaafay howlgallo ka dhanka ah ururka Daacish ka waday buuraha Caalmiskaad ee gobolka Bari, halkaasi oo ay sheegeen in ay ku dileen xubno Ajanabi ah.
Sidoo kale, goobaha ay ciidamada howlgallada ka wadaan waxaa ka dhacaayay duqeymo lagu beegsaday goobo ay ku sugnaayeen xubnaha Daacish.
