![[Deg Deg] Booliiska Gobolka Banaadir iyo Dabley hubeysan oo isku farasaaray dagaal ka dhashay Qaad Koontrabaan ah](https://i0.wp.com/muqdisho.online/wp-content/uploads/2025/02/Breaking.jpg?resize=120%2C86&ssl=1)
Xildhibaan Ilhaan Cumar oo kamid ah Aqalka Kongoreeska Mareykanka iyo Maalqabeenka Dunida ee Elon Musk ayaa is dhaafsaday farriimo kulul.
Elon Musk ayaa si kulul uga hadlay kulamo ay Xildhibaan Ilhan Omar la yeelaneysay muhaajiriinta sharci-darrada ku jooga dalkaasi, si ay uga xog wareysato awaamiirta Madaxweynaha cusub ee Trump.
Milkiilaha Bilyaneerka ah ayaa faafiyay muuqaal ku saabsan wareysi ay bixisay Ilhan Omar kaasi oo la xiriira kulanka ay la yeelatay xubnaha Muhaajiriinta.
Musk ayaa muuqaalka oo uu ku faafiyay barta X ku dul qoray“Waxay jebineysaa sharciga. Si cad. Si toos ah.”
Ka dib hadalka, Elon Musk, waxaa arrintaasi ka hadashay Ilhaan Cumar, iyada oo tiri “Baro xeerarka iyo macluumaadka kaa maqan si aada wax badan u ogaato”
“Hey, Elon. Qof walba oo dalka ku nool wuxuu xaq u leeyahay inuu ogaado xuquuqdiisa. Taas waa sharci,” ayay tiri.
Hadallada kulul ee labada dhinac is weedaarsadeen ayaa ku soo aadeysa xilli Madaxweyne Trump qorsheynayo inuu masaafuriyo dad badan oo sharci darro ku jooga Mareykanka.
