Tuulada Maqdis oo qiyaastii 7 KM u jirta deegaanka Xawaadley ee gobolka Shabeellaha Dhexe ayaa maanta lagu soo waramayaa in ay ku dhacday diyaarad qumaatiga u kaca (helicopter).
Sida ay sheegtay kooxda Al-Shabaab, waxay iyagu mas’uul ka yihiin soo ridista diyaaradaasi oo ay sheegeen inay leedahay Ciidanka Midowga Afrika ee ku sugan gudaha Soomaaliya AUSSOM.
Ilaa iyo hadda ma jiro war rasmi ah oo kasoo baxay dhanka ATMIS ama dowladda Soomaaliya oo xaqiijinaya sheegashadaas ama faahfaahin dheeraad ah ka bixiyay khasaaraha ka dhashay dhacdada.
Goobjoogayaal ku sugan agagaarka tuulada Maqdis ayaa xaqiijiyay in diyaarad ku soo dhacday deegaankaasi.
Dhacdadan ayaa kusoo beegmaysa xilli Militeriga Soomaaliya dhaqdhaaqyo ay ka wadaa gobolka Shabeellada Dhexe.
