Xulka Qaranka Soomaaliya oo ciyaar wanaag muujiyay laakiin laga guuleystay

Reading Time: < 1 minute

Xulka dalka Algeria ayaa 2-0 kaga badiyey xulka Soomaaliya, Ciyaartaan oo  ahayd mid aad u adag ayaa Soomaaliya kala kulantay guuldaro. Xulka Qaranka Soomaaliya ee 17-jirada  ayaa ka tirsan kooxda ama “group” ugu hada ee tartanka ka socda dalka Algeria.

Ciyaartaan oo shacabka Soomaaliyeed wada sugaayeen ayaa  ka dhacay Garoonka Nelson Mandela Stadium ee magaalada Algeris, iyadoo ciyaartoyda Somalia ay soo bandhigeen ciyaar aad looga maqsuuday inkastoo laga badiyey.

“Marnaba guuldaro wax lagu faano maahan, mana ahan wax ay wiilasheena garoonka u galeen, balse waxey soo bandhigeen ciyaar aan caadi aheyn, Kaliya waxaan dhihi karaa fursadahoodii ayey iska khasaariyeen, waxeyna la ciyaareen xul diyaarsan oo ciidooda jooga.” ayuu yiri mid ka mid ah dadka ka faalooda ciiyaraha

Ciyaarta waxaa kaalin aan caadi aheyn qaatay oo aan dhihi karaa doorkooda ma qarsoomin, Abdi Asia Bahur, Abdulkadir Marshale & Juuma (lambarka 4-aad). Kooxda Somalia ayaa iska khasaarisay fursado fara badan oo loo fishay goolal inkastoo ay dedaal badan muujiyeen.

Algeria waa xul taariikh ahaan haysta guulo badan dhinaca kalena ay ka soo baxeen xiddigo caan ka ah Caalamka, Marka loo fiiriyo ciyaaryahanadeena Soomaaliyeed qaab ciyaareedkooda kubad haysashada iyo sida ay  ula ciyaareen waxaa muuqanaysa iney muujiyeen dadaal weyn iyo xirfad wanaagsan.

Somalia ayaa waxaa u haray labo kulan oo hadii ay badiso rajadeedu tahay mid sare, waxayna kulankooda labaad la ciyaari doonaan Talaadada xulka dalka Congo.