Xubno sare oo ka tirsan golaha militariga Suudaan oo is casilay

Reading Time: < 1 minute

Waxaa ku dhawaaqay inay is casileen Saddex xubnood oo ka tirsanaa Xubnaha ugu sareeya Millateriga dalka Suudaan ee haya talada dalkaas,waxaana ay sabab u aheyd cabasho ka imaaneysay dadka dibadbaxa dhigayey.

Saraakiishan is casishay ayaa waxay saaxib dhaw la ahaayeen madaxweynihii Suudaan ee xilka laga tuuray, Cumar Xasan Al Bashiir, kaas oo haatan Xabsi ku jira

Labadii maalmood ee la soo dhaafay waxaa jiray kulan gaar ah oo u socday golaha sare ee militariga iyo hoggaamiyeyaasha dadka bannaanbaxa dhigaya,waxaana dibadbaxayaasha ay dalbanayeen in dowlad rayid ah xukunka lagu wareejiyo.

Afahayeenka Militariga Suudaan, Janaraal Shamsuddiin Kabbashi ayaa oo Warbaahinta la hadlayey ayaa sheegay in labada dhinac ee hoggaamiyeyaasha dibadabaxayaasha iyo Golayaasha Millateriga ay isku raaceen in dowlad rayid ah xukunka lagu wareejiyo.