Home News Xog:muxuu kusaabsanaa Safarkii Taliyaha Difaaca Ciidanka Kenya ee Muqdisho kuyimid?

Xog:muxuu kusaabsanaa Safarkii Taliyaha Difaaca Ciidanka Kenya ee Muqdisho kuyimid?

Reading Time: 2 minutes

Taliyaha Ciidanka Difaaca Kenya oo booqasho qarsoodi ahayd ku tagay Kudhaa

0

Taliyaha Guud ee Ciidanka Difaaca Kenya, Samson Mwathethe, ayaa booqasho aan la sii shaacin waxaa uu ku tagay Taliska Ciidanka Mareykanka ee Gobolka Jubada hoose.

Samson Mwathethe, ayaa Ciidamada Kenya ee uu ku booqday Saldhigga Kudhaa ee Degmada Badhaadhe ugu hambalyeeyay sanadkan cusub.

Waxaa uu sidoo kale sheegay in uu salaan uga sido Madaxweynaha Kenya Uhuru Kenyatta, isaga oo bogaadiyay geesinimada Ciidamada Kenya ee dagaalka kula jira AL-shabaab.

Mr Samson, ayaa qiray in intii Ciidanka Kenya ay ka dagaallamayeen Soomaaliya ay la kulmeen laba dagaal oo uu khasaare xoog leh ka soo gaaray kuwaas oo kala ah Ceel Cadde iyo Kulbiyow, hayeeshee ay guulo wax ku ool ah ka gaareen dagaalka ka dhanka ah AL-shabaab.

“lama idin hilmaamin, waxaad tihiin geesiyaasha dalka, waxaad halkan u joogtaan amniga Soomaaliya oo la mid ah amniga Kenya, marka aad Soomaaliya ku soo celisaan amniga ayey Kenya amni noqoneysaa” ayuu yiri Jeneraal Samson Mwathethe.

Taliye Samson Mwathethe ayaa ku faanay in Ciidanka kenya ee jooga Soomaaliya ay hub carsi ah iyo saad ku filan ka helaan dowladdooda Kenya kuna bogaadineyso dadaalka ay uga jiraan in ka adkaadaan Al-shabaab.

Taliyaha Ciidanka Badda ee Dalka Kenya oo ka mid ahaa Taliyayaashii la socday Samson Mwathethe ayaa sheegay in iyaguna ay dhinaca Badda ka caawinayaan Ciidanka Kenya ee ka dagaallamaya gudaha Soomaaliya.

Facebook Notice for EU! You need to login to view and post FB Comments!
WP to LinkedIn Auto Publish Powered By : XYZScripts.com
error: Sorry Lama ogola in aad daabacatid
%d bloggers like this: