Soomaaliya ayaa markii ugu horeysay taariikhda u soo baxday horyaalnimada qaaradaha, iyadoo xulkooda da’da yar ay heleen markii ugu horeysay ee ka qeyb galka koobka qaramada Afrika ee Total Energy Under-17.
Xidigaha da’da yar ee Soomaaliya ayaa u soo gudbay tartankii ka dhacay dalka Algeria kadib markii ay ku guuleysteen isreeb reebka CECAFA, halkaasi oo ay finalka 3-1 kaga badiyeen South Sudan.
Ciyaartoyda ugu horreeya ee tartankan u soo baxay oo doonaya in ay kubbadda cagta Soomaaliya ka dhigaan maabka qaaradaha iyo adduunka ayaa ku soo baxay Group A adag oo ay sidoo kale ku wada jiraan Algeria, Senegal iyo Congo oo martigelinaya.
Jadwalka ciyaarta (Dhammaan kulammada 8pm wakhtiga maxaliga ah)
April 29 – Algeria vs Somalia, Nelson Mandela Stadium
May 2 – Congo vs Somalia, Nelson Mandela Stadium
May 5 – Somalia vs Senegal, Mohamed Hamlaoui Stadium, Constantine
Tababaraha
Kooxdan waxaa tababare u ah laacibkii hore ee Soomaaliya Nuur Maxamed Amiin. 63-sano jirku waxa uu soo maray xirfad ciyaareed dheer oo ay ku jirto 14 sano oo uu u soo ciyaaray xulka qaranka, waxaana uu inta badan u soo ciyaaray kooxda MBC ee fadhigeedu yahay magaalada Muqdisho.
Amiin oo sidoo kale muddo dheer oo tababarenimo ah ku soo qaatay dalka Itoobiya ayaa labadii sano ee u dambeeyay ka tirsanaa kooxda 17 jirada, waxaana magaciisa lagu qori doonaa buugaagta taariikhda ka dib markii uu kooxda ku hogaamiyay inay markoodii ugu horeysay u soo baxaan qaarada Afrika.
Taariikhda tartanka
Tani waa markii ugu horeysay ee Soomaaliya ay u soo baxdo tartanka. Horey waxa ay u garaaceen bacaha gobolka, laakiin sannadkii hore isreebreebka, waxa ay muujiyeen kobocooda iyo horumarkooda iyagoo guulo la taaban karo ka soo hooyay oo ay ka mid yihiin Uganda oo hore ugu soo guulaysatay.
Ciyaartoyda la daawado
Kooxda Soomaaliya ayaa ah mid aan ka maarmin wax qabad, waxaana ciyaartoyda la daawado ka mid ah Cabdi Xaafid Maxamed Cali oo u ciyaara kooxda wadaniga ah ee Elman. Ciyaaryahanka khadka dhexe ayaa ka mid ahaa ciyaaryahanadii ugu saameynta badnaa isreebreebka isagoo dhaliyay seddex gool isagoo ka caawiyay kooxda inay helaan tikidhada CECAFA.
Kooxda ayaa sidoo kale leh xirfado ajanabi ah oo ay tahay in la ilaaliyo, waxaana ka mid ah khadka dhexe Idriss Abdiwahaab oo u ciyaara kooxda Iswiidhan ee IFK Uddevalla.
Weerar yahanka reer Canada ee C/casiis C/raxmaan oo u ciyaara kooxda Toronto FC ayaa sidoo kale lagu daray xulka Soomaaliya ee u socda Algiers, wuxuuna noqon doonaa mid isha lagu hayo
