Wasiirka Cusub Ee Wasaarada Waxbarashada Oo Maanta Booqday Xarumaha Jaamacada Ummadda Isagoo Hadal Aan La Fileyn Ka Dhawaajiyay

Reading Time: < 1 minute

Wasiirka  Wasaaradda Waxbarashadda  Hiddaha iyo Tacliinta sare ee XFS Mudane Cabdulahi Goodax Barre, ayaa maanta kormeer ku tagay xarumaha jaamacadda Ummadda sida  Gaheyr iyo shabeelle ee magaalada Muqdisho.

Kormeerka wasiirka, ayaa waxaa ku wehelinayay wasiiru dowlaha Wasaaradda Waxbarashadda Mudane Cabdiraxmaan Maxamuud Cabdulle, iyaggoo kormeeray qeybaha ay ka kooban tahay jaamacadda Gaheyr.

Guddoomiyaha jaamacadda Ummadda Dr Maxamed Maxamuud Jimcaale ayaa wasiirka waxbarashada mudane Cabdulahi Goodax Barre iyo xubnaha la socday u sheegay in xilligan  si habsami leh ay u socoto waxbarashada jaamacadda.

Wasiirka waxbarashada Soomaaliya mudane Cabdulahi Goodax Barre, ayaa sheegay in ka wasaarad ahaan ay muhiimada koowaad siinayaan siddii loo horumarin lahaa jaamacadda Ummadda Soomaaliyeed oo dad badan ay wax ka barteen.

“Waxaan ku farxay howsha la qabtay, waxan rajeynaya in muddo kooban horumar baaxad leh ku sameyn doono, dhul badan oo ay laheyd jaamacadda ummadda ayaa dib loo soo celiyay, qaarna wali waa maqan yihiin, waxan rajeynaya inay gacanta dowladda ku soo noqdan, ahmiyada koowaad ayay noogu jirta siddii loo horumarin lahaa jaamacadda ummadda” ayuu yiri Wasiir Cabdulahi Goodax Barre.

Wasaaradda Waxbarashadda  Hiddaha iyo Tacliinta sare ee XFS, ayaa boggaadiyay howsha uu qabtay guddoomiyaha jaamacadda Umadda Dr Maxamed Maxamuud Jimcaale.