Wasiir Xoosh”Nidaamka Federaalka Waa magac ahaan Mana Gaarsiisno Heerkii la rabay”

Reading Time: < 1 minute

Cabdiraxmaan Xoosh Jibriil Wasiirka Wasaaradda Dastuurka Xukuumadda Federaalka ee Soomaaliya ayaa sheegay in meelo badan uu mugdi ku jiro dib u eegista dastuurka kadib.

Dhanka Luuqada uu ku qoran yahay ayuu tibaaxay in aanan wanaagsaneen, wasaaraddiisana ay ku howlgan tahay hagaajinta qaladaadkaasi u muuqda sida uu hadalka u dhigay.

Wasiir Xoosh ayaa dhanka kale soo hadal qaaday Nidaamka Federaalka ee Dowladda qaaday, waxa uuna tilmaamay in magac ahaan oo kaliya uu yahay Federaalka balse aanan gaarsiisneen Heerkii la rabay.

Waxa uu tusaale u soo qaatay in aanan qeexneen awoodaha Dowladda iyo Dowlad Goboleedyada, isagoona ku baaqay in ka wasaarad ahaan uu isku howli doono ka dhabeynta Arrintaasi.

Khilaaf u dhaxeeyo Wasaaradda Dastuurka iyo Guddiyada labada Gole u qaabilsan dib u eegista Dastuurka iyo kan Madaxa Banaan ayaa banaanka yimid kadib markii guddiyada ay sheegeen in ay joojiyeen Wada shaqeyntii Wasiir Xoosh.

Guddiyada iyo Wasaaradda ayaa kulamo iyo shirar gaar gaar ah ka kala wada Magaalada Muqdisho, waxa ayna sheegayaan labada dhinac in dhan waliba uu ku taagan yahay wadada sharciga ah.