Wasiir Islaaw oo shaqo joojin ku sameeyay Agaasimahii wasaarada!!

Warar lagu kalsoonaan karo oon helnay ayaa sheegaya in Wasiirka Amniga Xukuumada Soomaaliya Xildhibaan Maxamed Abuukar Isloow (Ducaale) uu wado qorshe uu shaqada uga joojinayo Agaasimaha Wasaarada Amniga Gudaha Yuusuf Cali Maxamed.

Wasiirka Amniga ayaa maalmihii lasoo dhaafay waday diyaarinta shaqo joojin uu ku sameenayo Agaasimaha Wasaarada Amniga, waxa uuna Wasiirka qorshihiisa u gudbiyay Ra’isul Wasaare Kheyre oon wali la ogeyn in uu aqbalay iyo in kale.

Sida aan Wararka ku helnay Wasiirka Amniga Gudaha ayaa damacsan in xilka Agaasimaha guud ee Wasaarada Amniga ugu magacaabo nin saaxiin dhaw la ah sidoo kale kamid ah lataliyaashiisa gaarka ah.

Ninka Wasiirka Amniga uu doonayo in uu ka dhigo Agaasimaha Wasaarada Amniga ayaa lagu magacaabaa Axmed Cabdi Kooshin, ninkan ayaana ah Qurbo joog xaalada dalka aan wax badan kala socon.

Wasiirka amniga gudaha Soomaaliya ayaa horey xilal agaasime Waaxeed ugu magacaabay dad ku heyb ah iyo kuwa kale oo saaxiib dhaw la ah, waxaana xusid mudan in dadka uu magacaabay qaarkood shaqada ku fashilmeen kana carareen Wasaarada .

Dadka siyaasada falanqeeya ayaa aaminsan in aysan waxbo soo kordhineyn Agaasime Wasaarad ee la badalo ee loo baahan yahay in Wasiirka naftiisa la bedelo maadaama uu ku fashilmay shaqadiisa, waxaana xusid mudan intii Islow Wasiirka amniga ahaa in Muqdisho  ka dhaceen  qaraxyo  ay ku dhinteen dad badan iyo weeraro qorsheesan.