Ururadda Bulshadda Rayidka ee Puntland oo RW Kheyre iyo Farmaajo uga digay in ay dagaal sokeeye ka abuuraan Puntland

Reading Time: < 1 minute

Ururadda Bulshadda Rayidka ee Puntland oo saakay shir deg deg ah ku yeeshay magaalada Garowe ayaa ugu baaqay hogaanka dowladda Fedaraalka in ay ka waantoobaan in ay lacag ku bixiyaan in dagaal sokooeye  oo ka dhaco degaanka Puntland.

Si dowladda Fedaraalka uga hortagto shirka Dowlad Goboleedyadda  lagu wado in uu ka furmo magaalada Garowe ayaa waxa xafiiska RW Kheyre laga soo abaabulay barnaamij lagu carqaladeynayo qabsoomida shirkaas. Waxa lacag loo soo diray qaar ka mida ciidamada Puntland iyo siyaasiyiin kuwaas oo bilaabay in ay ka abaabulaan dagaal ka dhaca magaalada Garowe si shirka dowlad goboleedyadu u baaqdo.

RW Kheyre ayaa waxa uu howl galiyay gaar mida siyaasiyiinta ka soojeeda beesha Ciise Maxamuud ee ka tirsan Baarlamaanka Soomaaliya oo uu hogaaminayo xildhibaan Cali Hoosh.

Qaar ka mida ciidanka oo lacag xamar looga soo diray ayaa isku dayay in ay la wareegaan Xarunta madaxtooyadda iyo garoonka diyaaradaha si shirku u baaqdo. Laakiin RW Kheyre iyo Farmaajo labadaba waa ay ku fashilmaeen qorshahooda.

Ururuda Bulshada Rayidka oo ka wal-walsan talaabada ay qaaday dowladda Fedaraalka ayaa ku tilmaamay talaabada Dowlada Farmaajo mid la doonayo in dagaalka sokeeyo laga dhex huriyo dadka reer Puntland. Uruka PUNSA ayaa sheegay in dowlada Fedaraalk ay isku dirtay  shacabka Puntland oo horay si buuxda u taageersanaa isla markaana ay lumisay kalsoonidii reer Puntland.

Facebook Notice for EU! You need to login to view and post FB Comments!