Masuuliyiin ka socday wasaaradda dhaqaalaha ee Somaliland ayaa maanta kulan la qaatay dhiggiisa wasaaradda Tamarta iyo agabka Somaliland, iyagoo ka wada hadlay mashaariic la xidhiidha wax-soo-saarka Shidaalka, Gaaska iyo macdanta.
Kulankii ugu horreeyay ee Kooxda Wada-shaqeynta Kheyraadka Tamarta iyo Macdanta ayaa ahaa guul, sida lagu sheegay war-saxaafadeedka MOEA. Labada dal waxay gaareen heshiis is-afgarad ah oo ku saabsan iskaashiga mustaqbalka si loo horumariyo warshadaha Shidaalka, Gaaska, iyo Macdanta Somaliland.
MOEA iyo MoEM waxay rabeen inay si wadajir ah u abaabulaan barnaamijyo tababar iyo inay qabtaan golayaal siyaasadeed oo la xiriira sahaminta kheyraadka, ka faa’iidaysiga, iyo horumarinta kaabayaasha, sida lagu sheegay war-saxaafadeedka.
Taiwan iyo Somaliland waxa ay xiriir samaysteen sanadka 2020, iyada oo xafiisyo wakiilo ahi ka wada dhisan yihiin Hargeysa iyo Taipei. Kooxda wada shaqayneed ee tamarta iyo khayraadka macdanta ayaa lagu dhisay heshiis is afgarad ah oo la saxeexay sannadkii hore.
Sida lagu sheegay war-saxaafadeedka MOEA, “Taiwan waxa ay la wadaagtay khibraddeeda sahaminta iyo wax-soo-saarka dalalka Afrika, iyada oo marjaca u ah Somaliland ee horumarinta qaybta shidaalka iyo gaasta gudaha. Waxa kale oo ay labada dhinac isla garteen in si wada jir ah loo qorsheeyo barnaamijyo tababaro kor loogu qaadayo tayada shidaalka, gaaska iyo macdanta iyo ka faa’iidaysiga si loo kobciyo xirfadda Somaliland.”
War-saxaafadeedku waxa kale oo lagu xusay kaydka kaarboon-karboonka ee Somaliland oo aad u badan iyo mawqifkeeda juqraafiyeed ee faa’iidada leh ee ku aaddan khadadka ganacsiga ee isku xidha badda Mediterranean-ka iyo badweynta Hindiya.
Weftiga Taiwan ka socda ee imanaya Somaliland bishan waxa hoggaaminaya Eugene Y.J. Chen, oo ah agaasimaha guud ee waaxda iskaashiga caalamiga ah ee MOEA. Kooxdan ayaa Somaliland soo gaadhay 13-kii March, waxaanay bixi doonaan 18-ka bishan March.
Waxa kale oo weftigu soo kormeereen Wasaaradda Ganacsiga iyo Dalxiiska Somaliland iyo Wasaaradda Maalgashiga iyo Horumarinta Warshadaha. Kulamada ayaa rajeynaya inay kobcin doonaan iskaashiga laba geesoodka ah iyo fursadaha ganacsi ee horay loo sii wado.
