Madaxweyne Deni, ayaa maanta tagaya magaalada Boosaaso ee xarunta ganacsiga Puntland, tan iyo markii bishii December ee sanadkii tagay uu dagaal socday saddex maalmood uu ka dhacay Boosaaso.
Ciidammo fara-badan oo kamid ah kuwa Madaxtooyada Puntland iyo wafti horudhac ah ayaa gaaray magaalada Boosaaso maalmihii lasoo dhaafay, kuwaas oo u gogal xaarayay socdaalka Madaxweyne Siciid Cabdullaahi Deni.
Siciid Deni ayaa Boosaaso u tagi doona arrimaha doorashada 16 kursi ee kamidka ah Golaha Shacabka BJFS, kuwaas oo uu doonayo inay kusoo baxaan dad taabacsan.
Wararka ayaa sheegaya in Madaxweynaha Puntland uusan xal u raadinayn xiisada PSF Puntland, ee ka dhalatay xil ka qaadistii uu ku sameeyay Agaasimihii Hay’adda Ciidanka PSF Maxamuud Cismaan Diyaano, iyo gadoodka Isimmada gobalka Bari.
