Soomaaliya oo loo doortay Xubin ka tirsan Guddiga Xuquuqda Insaanka ee Q/Midoobay

Reading Time: < 1 minute

Soomaaliya ayaa ka mid noqotay mid ka mida guddiyada Qaramada Midoobay ee muhiimka ah, kadib markii ay tartan u gashay. Cod bixin ka dhacday Golaha Guud ee Qaramada Midoobay ayaa Soomaaliya loo doortay inay xubin ka noqoto Guddiga Xuquuqda Insaanka ee Qaramada Midoobay, waxayna Soomaaliya Golaha guud ee Q/Midoobay ka heshay codad dhan 170 dal oo u codeeyay inay Guddigaasi ka mid noqoto.

Soomaaliya muddo 3 sano xubin buuxda uga mid noqoneysa guddigan oo markiiba loo doorto inay ka mid noqdaan 18 dal, waxayna saddexda sano bilaaban doontaa Janaayo 2019.

Wasaaradda arrimaha dibadda Soomaaliya ayaa shaacisay in Soomaliya loo doortay xubin ka tirsan Guddigan iyadoo heshay 170 cod. Dalalka kale ee afrikaanka ah ee Guddigan loo doortay waxaa ka mida Eritrea, Togo, Burkina Faso and Cameroon.

Waa markii ugu horeysay muddo ka badan 20 sano oo Soomaaliya ay xubin buuxda ka noqoto Guddiyada Qaramada Midoobay oo lagu doorto Golaha Guud.

Facebook Notice for EU! You need to login to view and post FB Comments!