Baydhabo waxaa haatan ku sugan oo Shalay wada gaaray madaxweyne Xasan Sheekh Maxamuud, Raysal wasare Xamse Cabdi Barre, guddoomiyaha gobolka Banaadir Yuusuf Xuseen Jimcaale, madaxweynaha Hirshabeelle Cali Guudlaawe Xuseen, madaxweynaha Galmudug Axmed Cabdi Kaariye Qoorqoor, iyadoo saacadaha soo socda ee Maanta lagu wado in madaxweynaha Jubbaland uu tagi doono Baydhabo.
Madaxweynaha maamulka Puntland Saciid Cabdullaahi Deni ayaa la sheegay inuusan ka qeybgaleyn Shirkaan Maanta golaha wadatashiga qaran uga furmaya Baydhabo, kaasoo horay u shaaciyay in maamulkiisa uu u dhaqmayo sidii dowlad madax banaan oo kale, wuxuuna haatan ku sugan yahay madaxweyne Deni dalka Itoobiya.
Shirkaan ayaa madaxda wadatashiga qaran waxay kaga hadli doonaan arrimo ay ka mid yihiin doorashooyinka, la dagaalanka Al-shabaab, amaanka dalka, Siyaasadda iyo arrimaha dhaqaalaha, sida uu warbaahinta u sheegay Wasiirka Wasaaradda Warfaafinta Soomaaliya Daa’uud Aweys.
Kulankaan golaha wadatashiga qaran ayaa noqonaya kii 5-aad ee dhexmara tan iyo markii madaxweynaha Soomaaliya loo doortay Xasan Sheekh Maxamuud 15-bishii May ee sanadkii lasoo dhaafay 2022, waxaana gabagabada shirka madaxdu soo saari doonaan War murtiyeed la xariira waxyaabaha looga hadlay shirka wadatashiga Qaran.
Shirka Golaha Wadatashiga Qaran oo ka furmay magaalada Baydhabo
Reading Time: < 1 minute
Shirka Golaha Wadatashiga Qaranka ee u dhaxeeya madaxda DF iyo Maamul Gobaleydyada ayaa lagu waddaa in uu saacadaha soo socdo uu ka furmo magaalada Baydhabo ee caasimadda ku meelgaarka u ah Maamulka K/Galbeed.
Inta badan madaxda ayaa halkaasi ku sugan marka laga reebo madaxwaynaha Puntland, Saciid Deni, oo warar so baxaya ay sheegayan in gabi ahaanba uu iska diidey ka qeybgalka shirkan sababo la Xiriiro Khilaafka kala dhaxeya MW Hassan Sheikh