Rooble oo ka qeybgalaya aaska Sheekh Khalifa

Reading Time: < 1 minute

Ra’iisul Wasaaraha Xukuumadda Soomaaliya Maxamed Xuseen Rooble ayaa maanta lagu wadaa inuu u ambabaxo dalka Imaaraadka Carabta si uu halkaas ugu qeyb galo aaska Madaxweynaha dalkaas Sheekh Khalifa oo dhawaan u geeriyooday xanuun.

Kadib aaska Marxuumka Ra’iisul Wasaare Rooble ayaa kulamo la qaadan doona Madaxda ugu sarreysa dalka Imaaraadka Carabta, isagoo kala hadli doona sii xoojinta xiriirka u dhaxeeya labada dal.

Dhawaan ayey ahayd markii Ra’iisul Wasaaraha Xukuumadda Soomaaliya Maxamed Xuseen Rooble markii uu soo celiyay xiriirkii Soomaaliya kala dhaxeeyay Imaaraadka Carabta, kadib sanado uu xumaa.