Qoor Qoor oo cabsi soo-wajahday dibna u dhigay doorashada 3dax kursi

Reading Time: < 1 minute

Guddiga doorashooyinka heer dowlad goboleed ee Galmudug ayaa hal maalin dib u dhigay doorashada 3 kamid ah kuraasta golaha shacabka, ee deegaan doorashadoodu tahay magaalada Gaalkacyo ee gobolka Mudug.

“Guddigu wuxuu hal maalin dib u dhigay shaacinta Guddiga Xulista ergada kuraasta HOP#095, HOP#038 HOP#069, waxaana la shaacinayaa maanta oo Jimcaha oo Taariikhdu tahay 11/03/2022,” ayaa lagu yiri qoraalka guddiga.

Guddiga ayaa maalinta Sabtida ah bilaabi doona diiwaan-gelinta iyo shahaado siinta musharixiinta, waxaana la qorsheeyey in doorashada kuraastaas la qabto Axadda soo socota ee 13-ka bishaan.