Reading Time: < 1 minute

Waxaa ka socda magalaada Kismaanyo qaban qaabada doorashada Jubbaland iyada oo jadwalkii ay sameeysteen gudiga doorashada aan laga leexan.  Odoyaal dhaqameed dhawaan loo qabtay tababar ku saabsan habraaca xulista Baarlamaanka Jubbaland ayaa sheegay in uu bilawday xulista Xildhibaanada Cusub.

Sida ay sheegyaan wararka ka imaanaya Jubbaland, gudiga doorashada ayaa ku wargaliyay  beelaha ay ka soo jeedaan Xildhibaanada kuraasta loo tartamaya in odoyaashooda  diyaariyaan xubnaha ku matalaya Baarlamaanka Cusub ee dowlad goboleedka Jubbaland.

Odoyaashaan dhaqanka ee Jubbaland ayaa sheegay in odoyaashu dhaqanka ay dhan yihiin.  Madax dhaqameedkaan kulanka ku yeeshay Magaalada Kismayao ayaa tilmaamay in labo Oday ay ka maqan yihiin, iyagana ay casuuman yihiin.

Musharixiin u tartameysa xilka ugu sareeyo Jubbaland ayaa dhowaan ashtako ka muujiyay guddiga doorashada oo ay ku eedeeyeen in ay u xaglinayaan Madaxweyne Axmed Madoobe. Laakiin beesha caalamka oo qadka teefanka kula hadashaday gudoomiyaha gudiga doorashada ayaa ku bogaadisay shaqada wangaasan ee uu gudiga doorashooyinka ka wadaan magaalada Kismaanyo.