Qaar kamida beelaha Galmudug oo ka horyimid degmooyinka Qoor Qoor ku dhawaaqay

Reading Time: < 1 minute

Madaxweynaha Dowladda Galmudug, mudane Axmed Cabdi Kaariye, ayaa shir gudoomiyay kulanka golaha wasiirada ee Dowladda Galmudug.

Shirka ayaa looga hadlay arrimaha amniga guud, ayadoona warbixin laga dhageystay Wasaaradda Amniga Gudaha oo ka warbixisay xaaladda guud ee amniga Galmudug.iyo howlgaladii u danbeeyay ee kooxaha argagaxisada ah looga saaray deegaano ka tirsan gobolka Galgaduud.

Dhinaca kale, Wasaaradda Arrimaha Gudaha, Federaalka iyo Dib uheshiisiinta Galmudug ayaa Golaha hor keentay  hindise sharciyeed lagu dagmeynayo deegano ay wasaaradu ku sameysay daraasad, soona buuxiyay shuruudaha degmanimo oo kala ah

1- Dhabad

2- Galinsoor

3-Bandiiradley

4- Afbarwaaqo

5- Ceelguula.

Dood iyo falanqeyn dheer kadib, Golaha Wasiirada ayaa cod u qaaday ansaxinta degmooyinka kor ku xusan, ayadoona lagu ansixiyay cod aqlabiyad oo gacan taag ah.

Talabaadan uu qaaday Qoor Qoor ayaa durbadiiba waxa ka soo horjeestay qaar kamida beelaha dega Galmudug sida beesha Murusade, Waceysle, Saruur iyo beelo kale. Beelahaan ayaa diiday inay aqbalaan go’aanka aan la fiirsan ee uu gaaray Qoor Qoor, kaas oo ay ku sheegeen in uu horseedi doono colaad qabiileed.