Puntland oo ka hortimid qorshaha Somaliland ee diiwaangalinta Gobolka Sanaag

Reading Time: < 1 minute

Sida ay sheegayaan wararka ka imaanaya Dowlad Goboleedka Puntland, Madaxda Puntland ayaa si caro leh uga hortimid qorshaha Somaliland ay ku doonayso inay ku diiwaangeliso cod-bixiyeyaasha doorashooyinka Somaliland oo laga samaynayo deegaannada Gobolka Sanaag.

Xubno Dowlada Puntland ug Magacaaday Maamulka Gobolka Sanaag oo shalay Warbaahinta kula hadlay degmada Dhahar, ayaa sheegay in aanay ogolayn in Somaliland diwaangelin ka samayso Dhahar, Xingalool, Buraan iyo Ceelaayo isla-markaana ay ciddii isku dayda inay diwaangelin ka sameeyaan deegaannadaasi ay dagaal kala hor-tagi doonaan.

Hadalkaka yeeray Puntland, ayaa ku soo beegmay xilli masuuliyiin ka tirsan Dawladda Somaliland oo kasoo jeeda gobolkaasi ay gaadheen halkaasi, si ay Dadweynaha ugu wacyi-geliyaan qaadashada kaadhadhka cod-bixinta dorashada. Sanaag-bari oo ka mid ah Gobollada bariga ee Somaliland, ayaa Maamul-gobolleedka Puntland sheegataa Mulkiyaddiisa, iyadoo ula baxday Gobolka Haylaan.

Somaliland iyo Puntland ayaa halkaa ku dagaalama mar kasta oo la geeyo sanaaduuqda Cod-bixinta doorashada ama la doonayo in laga sameeyo diwaangelinta, laakiin sannadkan waxa cusub in Maamulka Puntland sheegay inuu dagaal ka xigo deegaanno hore looga qaban jiray, sida Xiin-galool.