Reading Time: 2 minutes

Sida ay MOL u xaqiijiiyeen  mas’uliyiin  ka tirsan hogaanka Amniga ee Dowlad Goboleedka Puntland  iyo xafiiska Madaxweyne Sacid Deni, Dowlada Puntland ayaa gacanta ku dhigtay  30 gawaari  oo ah nooca dagaalka ee loo yaqaano Tiknikada  iyo gawaarida ambalaasta ee dhawacyada lagu qaado kuwaas oo uu soo iibsaday Xasan Cali Kheyre.

Gawaaridaan oo lagu qabtay dekada magalaada Boosaaso  ayaa waxa loo waday   degaanka Galmudug iyo deeganada ku hareeraysan. Gawaaridaan oo dusha laga saaari lahaa qoryaha lidka diyaaradaha iyo qoryaha sida cukus u dhaca ayaa waxaa dibada ka soo iibsaday Xasan Cali Kheyre. Gawaaridaan  waxaa qandaraas lagu siiyay oo soo iibiyay Ganacsato ka soo jeedo beesh Murusade, gaar ahaan Ganansade Cabdi Cali,  Cabdikarim Gaanbe iyo Ismaaciil Gooni.

Gawaaridaan ayaa waxa  hadda  gacanta ku haya Dowlad Gobaleedka Puntland iyada oo ku wargalisay dhamaan hay’adaha caalamka oo  ay quseeyso  arintaan. Dad badan ayaa rumeysan in hubkaan marka la geeyo degaanka Galmudug, gaar ahaan magaalada Dhuusamareeb lagu rakibo hubka noocyadiisa kala duwan ka dibna dib loogu soo weeraro Puntland si qalalaase siyaaseed looga dhaliyo Puntland.

Dhanka kale, Ganacsatada gawaaridaan soo iibisay ayaa sheegtay in qaybo ka mida gawaarisadaas ay  lacagta lagu soo  iibiyay   ay bixisay shirkada Soma_Oil oo iyadu qandaraas lagu siiyay howlaha logistics ee qodida shidaalka ee degaanka Galmudug.

Xasan Kheyre ayaa rumeysan in uu xoog uu ku qabsado guud ahaan degaanada Galmudug si uu u xaqiijiyo in aan mustaqbalka dhib uga imaan Galmudug, maadama uu  damac kaga jiro ceelashada shidaalka ee ku yaalo badaha ku heereersan deegaanka Galmudug.

Si kastaa oo ay ahaataba Gawaarida iyo hubka sida ba’an lagu soo galinayo deeganada Galmudug, waxa uu salka ku hayaa qorshaha Farmaajo iyo Kheyre oo ay doonayaan in xoog ku qabsadaan deeganada dalka, qaarna loo isticmaalo in qalaalase siyaasadeed iyo mid amni lagu abuuro sida Puntland.

Dowlada Puntland ayaa waxa lagula taliyay in ayan marnaba sii deynin gawaaridaas dagaal oo ay la sugo dowlada cusub ee xilka dalka la wareegi doonto horaanta sanadka danbe. Puntland ayaa looga digay dhibatada amni daro ee kaga imaan doonto sii daynta gawaarida dagaal iyo aqabka la socdo.