Nabadoon lagu dilay degaanka Galmadoobe ee degmada Buulo-burte

Reading Time: < 1 minute

Wararka aan ka heleyno deegaanka Galmadoobe oo hoostaga degmada Buulo-burte ee Gobolka Hiiraan ayaa sheegaya in halkaas lagu dilay nabadoon lagu magacaabi jiray Muxumed Axmed Cumar, kaasi oo kamid ahaa dadka deegaanka.

Rag hubeysan oo watay Bastoolado ayaa lasoo weriyey inay rasaas ku dhufteen nabadoon Muxumed Axmed Cumar, xilli uu sugnaa deegaanka Galmadoobe, isagoona u geeriyooday rasaasta oo ka haleeshay qeybaha sare ee jirkiisa.

Laamaha ammaanka degmada Buulo-burte ee Gobolka Hiiraan ee Hirshabeelle ayaa sheegay inay baaritaan wadaan la xiriiro dilkaas, xilli goobihii ka danbeeyay dilkaas ay goobta ka baxsadeen.

Illaa iyo hada lama oga sababta loo dilay nabadoonka, Degmada Buulo-burte ayaa waxaa dhowr jeer ka dhacay dilal qorsheysan oo geysteen rag hubeysan kana tirsan Al-shabaab iyo weeraro qaraxyo ah oo sababay khasaaro dhimasho iyo dhaawac.