MW Deni oo la kulmay  Isimadda, waxgaradka, culimada iyo siyaasiyiinta Gobolka Mudug

Reading Time: < 1 minute

Madaxweynaha Puntland oo Kulan La Qaatay Isimada, Waxgaradka, Culimada iyo siyaasiyiinka Gobolka Mudug

Iyada oo Madaxweynaha Dowladda Puntland Mudane Siciid Cabdullaahi Deni oo sadaxdii cesho ee u danbeeysay u ku suganaa Gobolka Mudug ayaa kulan la qaatay maamulka gobolka Mudug kan degmada Gaalkacayo, Isimada, waxgarad, siyaasiyiin iyo masuuliyiin ka socdey Guddiga horumarinta Gobolka Mudug.

Safarka Saciid Deni ayaa ah kii ugu horeeyay ee uu ku tago degaankaas si uu ugu kuurgalo xalada ka jirta Gobolka Mudug. Muhiimadda kulanka oo uu faahfaahiyey Afhayeenka Madaxtooyada dowladda Puntland Mudane Jama Yuusuf Jaamac Dabaraani ayaa looga hadlay arrimaha Amniga, xasiloonida iyo horumarinta gobolka

“Madaxweynha Dowladda Puntland Mudane Siciid Cabdullaahi Deni waxaa uu xarunta Madaxtooyada ee Gaalkacayo kulan kula qaatay hogaanka dhaqanka gobolka Mudug, qaar kamid ah siyaasiyiinta iyo haldoorka gobolka iyo Gudiga horumarinta Gobolka, Madaxweyne Deni ayaa dhagaystay warbixin ay kasoo gudbiyeen xaaladda guud ee gobolka waxaa ay ka warameen horumarka socda, caqabadaha, Fursadaha iyo baahiyaha gobolka ka jira”.

“Madaxweynaha ayaa aad uga mahad celiyey sida quruxada badan ee qoraalka ah ee xaaladda gobolka uga warbixiyeen waxaana uu sheegay in Dowladdu wax badan ka qabanayso baahiyaha ka jira gobolka, iyada oo loo kala horumarinayo sida ay u kala mudan yihiin, isla’markaana Madaxweynuhu waxaa uu ku baaqay in laga wadashaqeeyo amniga”Ayuu yirin Afhayeenka Dowladda