Muxuu Farmaajo kala hadlay Hogaamiyaha Cusub ee Dalka Cumaan?

Madaxweynaha Jamhuuriyada Federaalka Soomaaliya Maxamed Cabdullaahi Farmaajo iyo wafdi uu hogaaminayo ayaa gaaray Magaalada Masqad ee Caasimadda dalka Cummaan.

Madaxweyne Maxamed Cabdullaahi Farmaajo ayaa saacado kadib markii uu gaaray halkaas kulan la qaatay Suldaanka Cusub ee dalkaas Haitham Bin Daariq Ataymur, wuxuuna uga tacsiyadeeyay geerida Suldaan Qaabuus Bin Saciid.

Sidoo kale Madaxweyne Farmaajo ayaa waxaa uu suldaan Haitham Bin Daariq u rajeeyay inuu Cummaan ku hogaamin doono cadaalad, isla markaana uu ka shaqeyn doono horumarka dalkaas.

Magaalada Masqad ayaa saacadihii lasoo dhaafay waxaa gaaray Madax ka socota dalalka Carabta, kuwaasi oo ka qeyb galaya Tacsida qaran ee u taalada dowladda Cummaan iyo shacabkeeda.

LEAVE A REPLY

Please enter your comment!
Please enter your name here