Musuqmaasuqa wasiirka maaliyadda iyo baaritaankii Hanti Dhowrka (Xog & Caddeyn)

Reading Time: 4 minutes

Waa muhiim dagaalkaan lagula jiro Musuq maasuqu waana talaabo soo kordhin karta horumar dhaqaale, dhaqan dowlad wanaag iyo islaxisaabtan. Maalmahaan waxaa warbaahinta aad looga hadal hayey shaqaale iyo askar loo xiray Musuq awgiis

Tusaalihii u dambeeyay wuxuu ahaa askar mushaarkoodu ahaa 100 doollar oo si farsamaysan laba mushaar u qaatay.

In sharciga lagu fuliyo dadka aan garabka haysan oo ay Soomaalidu u taqaan “looma ooyaanka “ iyada oo aan lala xisaabtamin ama aan sharciga la hor keenin dadka isbidaya inay haystaan garab ay isku hallayn karaan. Arrintaan waxaa ka dhalan kara

  • Ciqaab iyo caro ka timaadda Ilaahay
  • Inay yaraato kalsoonida ay dadweynuhu ku qabaan dawladda
  • Inaan madaxda dawladda marka ay Musuqa ka hadlayaan aan dheg loo jalaqsiin
  • Inay dhiirrogeliso in tuugada waaweyn ay ku dhiiradaan  xatooyada xoolaha dadweynaha

Sida ay dad badan la socdeen waxaa Wasaaradda Maaliyadda ka dhacay Musuq baahsan oo markii uu soo shaacbaxay Hantidhawrka Qaranku uu baaris ku sameeyay seder (3) nin oo ka mid ah gacan yarayaasha Wasiirka Maaliyadda isla markaana ay xigto dhow yihiin mudane Beyle, sidoo kale Agaasimaha Wasaaradda Maaliyadda mudane Shire Jimcaale oo isagu ahaa ninka u fududeeyay in Musuqaas uu ka dhaco Wasaaradda

Sidee wax u dheceen? Yaa qaata seddex mushaar iyo ka badan? Xaggee ka qaataan?

Magac Haya’dda uu lacagta ka qaato Jago/title Lacagta/bil Sanad Wadar/sanad
  • Liban Obsiye
African Development Bank Policy Advisor $10,000.00 $120,000.00
Wasaaradda Maaliyadda La Taliye $4,000.00 $48,000.00
Wasaaradda Arr. Dibadda Qunsul $1,200.00 $14,400.00
  $182,400.00

 

2.Nur Ali Omar (Dubad) World Bank Communications & Reporting $7,500.00 $90,000.00
Wasaaradda Maaliyadda La Taliye $4,000.00 $48,000.00
Wasaaradda Arr. Dibadda Shaqaale $700.00 $8,400.00
Wadar  $146,400.00
 3.Abdullahi Hussein Nor World Bank Administrative Assistan $3,750.00 $45,000.00
Wasaaradda Maaliyadda Baratakoolka Wasiirka $3,000.00 $3,600.00
 Wasaaradda Arr. Dibadda  Shaqaale  $700.00  $8,400.00
   Wadar  

$57,000.00

 

Saddexdooda sanadkii waxay qaataan $385.800 (saddex boqol & sideetan iyo shan kun iyo sideed boqol Hanti dhowrka qaranku wuxuu baaritaan ku waday kiisaskaan musuq maasuqa ah muddo lix bilood ah. 

 Kiisaskaan ayaa ahaa mushaaraaad iyo gunooyin ay ka kala qaadan jireen Wasaarada Maaliyada, Arimaha Dibada, Safaarada Sweden, Baniga Aduunka, iyo Bangiga Afirka, lacagtaan oo qaarkood la qaadanayey mudo 2 sano ah.

Dhacdadaan Musuq Maasuqa ee foosha xun oo lagu lunsaday lacag gaaraysa $385,800.00 sanadkiiba mudadaas ilaa iyo hadda  shacabka Soomaaliyeed ma helin cadaalad la horkeeno arintaan oo si cad u muuqata lana hayo cadymihii ducomentiyada lagu qaatay lacagaahaas.

Arrintaan waxay noqonaysaa mid lagu ogaado in ay Xukuumadda ka dhab tahay inay Musuqa la dagaasho iyo in kaliya looma ooyaanka la ugaarsanayo caddaalad ma aha ee caddaalad darro lagula kacaayo shacabka masaakiinta ah ee lagu helay xatooyo $100 doollar ah.

Haddaba waxaad hoos ka daalacataa baaritaankii Hantidhowrka uu ka sameeyay seddexda nin iyo caddeeymo wareeysiyadii lala yeeshay ee ay ku qirteen in ay danbiga galeen, balse, halkii laga sugaayay in caddaaladda la horkeeno wuxuu Hantidhowrka amray oo kaliya in ay soo celiyaan lacagta ay ka dhaceen qaranka.

Haddii ay caddaalad jirto, dhabna ay ka tahay MW Farmaajo waa in uu caddaaladda hor keena tuugada qiratay dhaca hantida ummadda, lana marsiiyaa ciqaabta ay mudan yihiin.

Halkan hoose ka akhriso wareysiga iyo warbixintii Hanti Dhowrka

 

 

 

Facebook Notice for EU! You need to login to view and post FB Comments!