Muqdisho oo Maalintii labaad Marti gelinaysa Banaanbax rabshado wata

Reading Time: < 1 minute

Magaalada Muqdisho waxaa saakay banaanbax ka dhigay Darawalada Gaadiidka Dadweynaha ee BL-ka loo yaqaano,kuwaas oo badi Maanta aan ka Shaqeyneyn qeybo badan oo kamid ah Magaalada Muqdisho.

Darawalada ayaa waxaa ay ka cabanayaan in wadooyinka qaar ee muqdisho ay xirtay Dowladda Soomaaliya iyo inay dowladda kusoo rogtay lacago dheeraad ah, iyada oo wadooyinkii ay ku Shaqeysan lahaayeen ay ka xiran yihiin.

Gaadiidka dadweynaha ee ka yimaada degmada Madiina ee soo aada dhinaca degmada Xamarweyne ayaanan Maanta Shaqeyneyn,waxaana darawalada banaanbaxaya ay xirteen wadooyinka qaar,sida Wadada Buundooyinka, iyada oo u diidaya Gaadiidka inay maraan.

Darawalada ayaa sheegay in dowladda ka rabto Canshuur joogto ah , iyagoo aan heysan Wadooyin ay maraan, islamarkaana ay sii wadi doonaan banaanbaxa.

Magaalada Muqdisho ayaa laga dareemayaa banaanbaxa ay maalintii labaad dhigayaan Darawalada Gaadiidka dadweynaha ee BL-ka loo yaqaano,isla markaana ay uga cabanayaan Wadooyinka xiran.

Facebook Notice for EU! You need to login to view and post FB Comments!