Maxaa ka Cusub Magaalada Marko (Aqrsio)

Reading Time: < 1 minute

Al-Shabaab ayaa dhawaan go’doon saarey degmada Marka ee Gobolka Shabeellaha Hoose,waxaana taasi walaac xoogan ka muujiyey Shacabka Magalada Marka, iyada oo culeys dhinaca nolosha ah la dareemay.

Mas’uuliyiin ka tirsan Maamulka Koonfur Galbeed ayaa waxaa ay sheegeen in Maamulkooda uu qaaday tallaabo culeyska iyo dhibaatooyinka looga yareyn karo Shacabka Magalada Marka oo ay Al-Shabaab Go’doomiyeen.

Wasiir kuxigeenka Wasaaradda Arrimaha Gudaha Maamulka Koonfur Galbeed  Maxaad Maxamed ayaa sheegay in ay Magalada Marka iyo deegaanka Ceel Jaale ka hirgeliyeen dekado macmal ah taas oo Shacabka looga soo dejinayo waxyaabaha muhiimka u ah Magalada Marka.

Dowladda Federaalka iyo Maamulka Koonfur Galbeed ayuu sheegay inay siwadajir uga qeyb qaateen fududeynta in markab iyo doomo yar yar ay deegaanka ceel Jaale kasoo dejiyaan waxyaabaha Ganacsi ahaan loo keeno Magalada.

Sidoo kale Wareysi uu siiyey Warbaahinta  Wasiir kuxigeenka Wasaaradda Arrimaha Gudaha Maamulka Koonfur Galbeed  ayuu kaga hadlay xaalada amni ee Magalada Marka iyo qorsha xiga ee Maamulka Koonfur Galbeed maadaama ay Magalada Go’doon tahay.