Marwada  MW Farmaajo oo qeyb ka ah boobka canshuurta Gobolka Banadir iyo Farmaajo oo difaacayo (Cadeeymo)

Reading Time: 3 minutes

Marwada Madaxweynaha Zeynab Macalin Cabdi aya waxaa ay  si farsameeysan ula xiratay Agaasimaha Waaxda Canshuuraha ee Wasarradda Maaliyadda Muxyadin Xassan Jurus  oo loo yaqaan Saabeey  iyo Agaasimaha Wasaaradda Howlaha Guud, Gaadiidka Badda Maxamed Cusmaan Cali oo loo yaqaan Dhagaxtuur.

Asbuuc kastaa oo ka mida 13kii bilood ee la soo dhaafay waxaa Marwa Zeynab  Macalin loo keenayay lacago u dhaxeeya $33,000-$48,000. Lacagahaan ayaa waxa laga soo jaraa lacagaha laga soo aruuriyo suuqyadda iyo rugaha gacansiga Gobolka Banaadir.

Fakarka bixinta lacagta aya waxa ay ka timid Ra’iisal Wasaarihii hore Cali Maxamed Geedioo isagana  si toos ah looga masruufo canshuurta laga soo qaado deegaanka Gobolka Banadir. Cali Geediayaa u sheegay sida kaliya oo ay labadaa mas’uul ku heysan karaan jagooyinkooda  ay tahay in ay Marwada Madaxweynaha la xirtaan, lacago joogta ah u geeyaan. Iyada oo taladaas la taabagalinayo ayaa Marwo Zeynab Macalin waxa loo bilaabay in asbuucii loo geeyo lacago loogu soo sarifay lacagta doolar Mareykanka.

Marwa Zeynab ayaa marka ay safarto waxa ay ku amartay labada mas’uul in ay lacagta  asbuuclaha ah  ugu dhiibaan ama ay ku wareejiyaan haweeney lagu magacaabo Nasro Weheliyo   oo ay ehel yihiin Marwadda Madaxweynaha.

Mas’uuliyiinta Dhagaxtuur iyo Saabeey ayaa waxa ay yihiin labada shaqsi oo aan u baahneyn balan si  ay u arkaan Madaxweyne Farmaajo. MW Farmaajo ayaa amar ku bixyay in ay  habeen iyo maalin, saacad kastaa oo ay u baahdaan loo soo daayo. labada shaqsi oo aan waligood waxbarasho asaasi ah qaadanin, laakiin ka been abuura aqoontooda aya waxa ay hadda noqdeen labada qof ee arki kara qoyska Madaxweynaha markastaa oo ay u baahdaan marka laga reebo RW Kheyre.

Muxyadiin Saabeeyoo aan qarsanin dareenkiisa aya sheegay in uu ka shaqeeyo siyaasad, wax kastaa  oo u suuragalinya in uu sii joogo kurisigiisana uu sameeynayo. Muxyadiin Saabeey ayaa yiri “ Bilcaanta Farmaajo waa og tahay in waqtiga lagu sii jiraayo gugiga Villa Soomaaliya uu kooban, waxana kula talinay in ay lacag meel dhigato oo ayan isku haleeynin MW Farmaajo” Waxa uu intaas ku daray “aniga waxaan sidaan si la mida  ah ugu qidmeeyn jiray bilcaamaha madaxdii Farmaajo ka horeeysay, qaarkood lacag iska dhaafee dhul ayaan u iibin jirnay markaas ayaan ku wareejin jirnay”

Mid ka mida mas’uuliyiinta sare ee Wasaaradda Maaliyadda  ayaa u sheegay MOL in mas’uuliyiinta ugu sareeysa Wasaaradda ay og yihiin lacagaha uu Muxyadiin Saabeeyka dhaco qasnadda dowladda hadana ma jirto cid talaabo ka qaadi karto. Dhanka kale Agaasime Maxamed Cusmaan Dhagaxtuurayaa isna inta badan ugu dhaarta Wasiiradda la soo magacaabo  Wasaaradiisa in ayan ka hadlin hoowlahiisa u gaarka ah. Wasiir  horay ula soo shaqeeyay oo ka gaabsay in magaciisa la sheego ayaa yiri “.. Dhagaxtuur waxa uu iigu dhaaran jiray, aniga ayaa Wasaaradda u danbeeyn doono ee ha igu saqajaamin”.

Inkastaoo labadii sano ee la soo dhaafay la badalay inta badan xog’hayayaasha iyo Agaasimayaasha Wasaaraddaha hadana Maxamed Cusmaan Dhagaxtuur iyo Muxyadiin Saabeey waa labada mas’uul oo aan marnaba aan la isku dayin in la  badalo.  Dhowr mar oo uu Wasiirka Maaliyadda damcay in uu badalo Muxyadiin Saabeey waxaa si toos ah uga hortimid Marwada Madaxweynaha Zeynab Macalin oo uga digtay Wasiir Beyle in uu isku dayo in uu badalo Muxyadiin Saabeey.

Waxaa nasiib xumo ah in Marwada Madaxweynaha Zeynab Macalin Cabdi ay qeyb wayn ku leedahay boobka Hantida Qaranka, gaar ahaan canshuurta laga soo uruuriyo dadka masaakiinta eek u ganacsada magaalada Muqadishu. Waxaa socda baaritaan iyo qoraalo cadeeymo ah oo ay gacanta ku dhigtay MOL kuwaas oo dhawaan lala wadaagi shacabka Soomaaliyeed.