Madaxda Carbeed oo kulan ka yeeshay barwaaqada & xasiloonida gobolka

Reading Time: < 1 minute

Kulankaasi oo lagu qabtay Caasimadda Imaaraadka Carabta ee Abu Dhabi ayaa waxaa isku wada arkay Madaxweynaha Martida loo ahaa, Sheekh Maxamed Bin Zayed Al-Nahyani, Amiirka Qatar, Sheekh Tamiim Bin Xamad Al-Thani, Madaxweynaha dalka Masar, C/Fataax Saciid Xuseen Khaliil Elsisi, Suldaanka dalka Cumaan iyo xubno kale.

Hadafka Guud ee Shirka wadatashiga ee lixda Hoggaamiye Carbeed waxa uu ahaa inay wada lafa-guraan Ajende Cinwaankiisu ahaa: Barwaaqada iyo Xasilloonida Gobalka

Hoggaamiyayaasha ayaa waxay kaloo isla eegeen xiriirada Walaaltinimo ee u dhexeeya Dowladahooda, gaar ahaan Horumarinta Maalgashiga, Barwaaqada iyo deganaanshaha Mandiqada iyo hawlaha Wadajirka, Iskaashiga iyo Isdhexgalka Bulshada Gobalka.

Hoggaamiyayaasha waxay kaloo isku raaceen ìnay La-Tashiyo ka yeeshaan Arrimaha ku soo kordha Xaallada Mandiqada iyo Caalamka, iyo in la dhowro Deris wanaaga, la ixtiraamo Madax-banaanida dal kasta iyo in laga fogaado Faragelinta Arrimaha Gudaha ee dalal kale.