Dagaal culus ayaa aroornimadii saaka dib uga bilowday xarunta gobalka Sool ee Laascaanood, waxaana la maqlayaa daryanka madaafiicda culus oo ku soo dhaweysa garaacayso magaalada.
Sida ay inoo xaqiijiyeen dagaalka saaka oo ah mid xoogan ayaa isugu jira dagaal toos ah oo ka soconaya duleedka Bari ee Laascaanood, halka ciidamada Somaliland ay madaafiic ku bilaabeen magaalada.
15 maalmood oo xiriir ah ayay Somaliland la dhacaysaa Laascaanood ka socdaa, kuwaas oo saameeyay guryaha shacabka, isbitaalada iyo masaajidada Laascaanood, waxaana ka dhashay dhimashada dad maato ah oo ay ku jiraan hooyo iyo 7 carruur ah oo ay dhashay iyo hooyo xaamilo ah oo lagu dhalinayay Isbitaal ku yaalla Laascaanood.
Labada dhinac ee ku dagaalamaya gacan ku heynta Magaalada Laascaanod waxaa gaaray baaqyo kala duwan oo la xiriira joojinta dagaalka kuwaas oo ka kala yimid Madaxda Dowladda Federaalka, Xildhibaanno, Duubabka dhaqanka, Qaramada Midoobay, Beesha Caalamka iyo dhinacyo kala duwan balse ma baajin dagaalka oo maalintii 15aad galay.
