Isku day ay koox xagjir ah ku afgambin laheyd dowladda Jarmalka oo la fashiliyey

07 December 2022, Hessen, Frankfurt/Main: In a raid against so-called "Reichsbürger" masked police officers, after searching a house Heinrich XIII Prince Reuss (2nd from right) lead to a police vehicle. The Federal Prosecutor's Office had several people from the so-called Reichsbürger scene arrested in the course of a raid on Wednesday morning. Numerous officers were deployed in several federal states, said a spokeswoman for the Karlsruhe authority . Photo: Boris Roessler/dpa (Photo by Boris Roessler/picture alliance via Getty Images)
Reading Time: 2 minutes

Booliska Jarmalka ayaa Arbacada maanta ah fuliyey howlgallo ka dhacay dalka oo dhan ayaga oo xiray 25 qof oo la tuhunsan yahay inay ka tirsan yihiin “unug argagixiso” oo midigta-fog ah, kaasi oo qorsheynayey inay afgambiyaan dowladda, islamarkaana weeraraan baarlamanka.

Illaa 3,000, oo saraakiil oo ay ku jireen cutubyada xulka ah ee ka hortagga argagixisada, ayaa ka qeyb qaatay howlgallada oo dhacay aroortii, laguna baaray in ka badan 130 guri.

Warbaahinta Jarmalka ayaa ugu yeertay mid ka mid ah tallaabooyinkii ugu ballaarnaa ee booliska ay qaadaan ee ka dhanka ah xagjiriinta.

Howlgallada ayaa lagu beegsaday dad la tuhunsan yahay inay xubno ka yihiin dhaqaaqa “Muwaadiniinta Reich” (Reichsbuerger), oo la tuhunsan yahay “Inay sameeyeen diyaargarow xooggan oo ay si rabshad leh ugu geli lahaayeen baarlamanka Jarmalka ayaga oo ah koox yar oo hubeysan”, sida lagu sheegay bayaan kasoo baxay dacwad-oogayaasha.

Kuwa la xiray ayaa lagu eedeeyey inay aas-aaseen “kooxdan argagixiso ugu dambeyn dhammaadkii November 2021, taasi oo dajisatay hadaf ah afgambinta nidaamka dowladeed ee ka jira ee Jarmalka, kuna beddesho mid nooca ay rabto ah,” ayey yiraahdeen dacwad oogayaasha.

Laba ka mid ah 25-ka qof ayaa lagu xiray dalalka Austria iyo Talyaaniga.
Dacwad-oogayaasha magaalada Karlsruhe ayaa sheegay inay aqoonsadeen 27 qof oo dheeri ah oo la tuhunsan yahay inay xubno ka yihiin ama taageeraan shabakaddan argagixiso.

Dhaqaaqa Reichsbuerger ayaa waxaa ku jira kuwa taageera Naaziyiinta, kuwa hubka aad u jecel iyo shirqooleyaal diidan sharci-ahaanshaha Jamhuuriyadda Jarmalka.

Ayada oo muddo la isaga indho tirayey inaysan sidaas muhiim u aheyn, ayaa dhaqaaqa Reichsbuerger wuxuu sanadihii dhowaa noqday xagjir, waxaana loo arkaa halis amni oo sii kordheysa.

Dacwad-oogayaasha ayaa sheegay in askar hore ay ka mid yihiin xubnaha kooxdan.

“Eedeysanayaasha waxaa mideeyey diidmo qoto dheer oo ku aadan hay’adaha dowladda iyo kala dambeynta ay dimoqraadiyadda saldhigga u tahay ee Jamhuuriyadda Federaalka Germany,” ayey yiraahdeen dacwad-oogayaasha.

Tuhunsanayaasha way ka warhayeen in qorshahooda “lagu xaqiijin karay oo kaliya ayada oo la adeegsanayo hab militari iyo rabshado ka dhan ah wakiilada dowladda,” ayey ku dareen.