Hoggaanka Puntland oo sheegay in ay ka qeyb qaadanayaan dagaalada ka socda Dalka

Reading Time: < 1 minute

Madaxweynaha dowlad Goboleedka Puntland Saciid Cabdullaahi Deni oo khubad ka jeedinayay furitaanka kal-fadhiga 51aad ee Baarlamaanka ayaa ka hadlay xaaladda Guud ee Soomaaliya & Arrimaha Puntland.

Madaxweyne Deni ayaa marka hore sheegay in daadadkii kusoo rogmaday Magaalada Qardho  ay guddi u saareen soo qiimaya waxyeeladu intay leeg tahay , sidoo kalena ay soo dhamaatay daraasad ku saabsan si xal waara looga gaaro daadadka soo noq noqday.

Dhinaca kale Madaxweynaha Puntland oo ka hadlayay dagaallada ka dhanka ah Al-Shabaab ayaa sheegay in Puntland ay la socoto howlgallada dalka ka socda ee looga saarayo Al-Shabaab, isla markaana ay diyaar u yihiin inay ka qeyb qaataan.

Sidoo kale Madaxweynaha Puntland ayaa sheegay in Puntland degmooyin badan oo katirsan laga hirgelinayo doorasho qof iyo cod ah, taasina ay tahay qorshaha Xukuumaddiisa.