Guddomiyaha degmadda Hodan Oo Sheegay in La dhisayo Xarunta D….

Reading Time: < 1 minute

Saacado kadib markii weerar ismiidaamin ah lagu qaaday Xarunta Maamulka degmada Hodan ee gobolkan Banaadir ayaa guddoomiyaha degamdaas waxa uu oo ku dhawaaqay dib-u dhiska Goobihii ku burburay  qaraxa

Guddoomiyaha degmada Hodan Cabdi Xakiin Dhaga-juun ayaa marka hore tacsi u diray Ehelada Dadkii ku waxyeelloobay Qaraxii ka dhacay Degmada Hodan, shaqaalihii iyo shacabkii kale ee goobta ku sugnaa.

Sidoo kale waxa uu sheegay in dhawaan Maamulka iyo Shacabka ay siwadajir ah dib ugu dhisayaan Goobihii ku bur buray qaraxa,sida Xarunta degmada iyo Masjidka.

“Dadka ku dhaqan Degmada Hodan oo isku duuban waxa ay dib u dhisi doonaan Masaajidkii, goobaha ganacsigii iyo Xarunta Degmada ee argagixisadu burburisay, waxa ayna muujin doonaan in aysan u liicayn falalka ay maleegayaan argagixisada Alshabaab ayuu yiri Guddoomiyaha.

Mudo Toban Cisho gudahood ah ayaa waxaa weerar ismiidaamin ah oo dada badan ku dhinteyn waxa lagu qaaday Xarumaha degmooyinka Howl-Wadaag iyo Hodan ee Gobolkan Banaadir.