Golaha Ammaanka oo ku adkeystay in sanad dheeraad ah lagu sii hayo cunaqabateynta hubka Soomaaliya

Reading Time: 2 minutes

Golaha Ammaanka ee Qaramada Midoobay  ayaa kulan ay manata yeesheen ku adkeystay in sanad dheeraad ah lagu sii hayo cunaqabateynta hubka ee dalka Soomaaliya. Soomaaliya. Golaha Ammaanka QM ayaa isbeddel kooban ku sameeyey cunaqabataynta hubka ee saaran dalka Soomaaliya, xilli dowladda federaalka ay isku dayeyso inay dalka ka xoreyso Al-Shabaab oo hub badan ay u baahan tahay.

Dhanka kale, Golaha ayaa iskuraacay qaraarka 2662 (2022), oo hal sano oo dheeraad ah ku kordhiyey cunaqabataynta hubka ee saaran Soomaaliya, hase yeeshee wuxuu ku daray qodob ogolaanaya in dowladda federaalka Soomaaliya ay hub hesho.

Qaraarka, oo muddadiisu tahay illaa 15-ka November 2023, ayaa waxaa “Haa” ugu codeeyey 11 ka mid ah 15-ka xubnood ee Golaha Ammaanka, mana jirin dal diiday. Waxaana ka maqnaa afar dal oo kala China, Gabon, Ghana iyo Ruushka.

“Qaraarka wuxuu go’aamiyey in dhammaan dalalka ay qaadaan tallaabooyinka lagama maarmaanka u ah ka hortagga dhammaan hubka iyo agabka milateri ee la geeyo Soomaaliya, marka laga reebo hubka ay ka faa’iideysanayaan hay’adaha amniga iyo booliiska Soomaaliya ee heer qaran iyo heer gobol, kuwaas oo qaraarka aanu saameyneyn,” ayaa lagu yiri qoraalka qaraarka. 

Hadlanka ka soo yeeray Golaha Amaan ayaa u muuqda mid aan  Soomaaliya u o ogolaanyanin in ay hub xoog leh oo ay kula dagaaln aragagaxisada ururka Al Shabaab.

Qaraarka ayaa sidoo kale lagu xusay in cunaqabataynta hubka aysan khuseyn keenista hubka iyo agabka ciidan, ama bixinta talo farsamo, dhaqaale, kaalmo kale, iyo tababarada militari ee loogu talogalay horumarinta hay’adaha amniga iyo booliska Soomaaliya, si loo sugo amniga dadka iyo dalka.

Cunaqabatanta ayaan sidoo kale saameyneyn QM, ATMIS iyo hay’adaha kale ee caalamiga ee ka howlgala Soomaaliya. Waxaanu sidoo kale qaraarka saameyneyn ururada iyo dalalka tababarka ciidanka siiya Soomaaliya, oo ay ku jiraan Midowga Yurub, Turkey, UK, Mareykanka iyo dal ama urur kasta oo heshiis is-fahan oo militari uu kala dhaxeeyo dowladda federaalka.

Dowladda federaalka ayaa bilihii tegay wadday dadaal xooggan oo ay ku raadineyso in xayiraadda hubka looga qaado Soomaaliya, si ay u hesho hubka loo baahan yahay si dalka looga xoreeyo kooxda Al-Shabaab. Inkasta oo aan xayiraadda la qaadin, haddana qaabka loo dhigay iyo ogolaanshaha la siiyey dowladda federaalka iyo dalalka iyo ururada taageera ayaa ah guul weyn.