Galmudug oo sheegtay in ay Al Shabaab ka saareen deegano horay u heesteen

Reading Time: < 1 minute

War qoraal ah oo ka soo baxay wasaarada amniga Galmudug ayaa waxaa looga hadlay Howlgal qorsheysan oo Ciidanka Xoogga iyo kuwa Daraawiishta Galmudug ay saakay kula wareegeen deegaano hor leh oo ka tirsan Gobolka Mudug.

Wasaaradda amniga Galmudug ayaa sheegtay in Ciidamada Xoogga iyo kuwa Maamulka Galmudug ay dib ula wareegeen deegaanada kala ah Bacaadweyn, tuulada Qaycad, Sabeena gawrac iyo deegaano kale oo ay ku sugnaayeen Al-shabaab.

Wasaaradda ayaa sheegtay in Ciidamada ay howlgalka qorsheysan ku galeen deegaanadii ay horey u qabsadeen Al-shabaab, islamarkaana halkaas isaga baxeen Shabaab, ayna si buuxda gacanta ugu hayaan Ciidamada dowladda iyo kuwa Galmudug.

Sidoo kale Wasaaradda amniga Galmudug ayaa sheegtay inay ka go’an tahay in Al-shabaab laga saaro deegaanada ay halkaas kaga sugan yihiin, isla markaana howlgalkii saakay dhacay uu qeyb ka yahay howlgalka ka socda Gobolka.

Facebook Notice for EU! You need to login to view and post FB Comments!