Home Wararka Dowlada Kenya oo amar duldhigtay Baasaboorka Soomaaliga: shacabka, Xildhibaanada iyo Wasiirada

Dowlada Kenya oo amar duldhigtay Baasaboorka Soomaaliga: shacabka, Xildhibaanada iyo Wasiirada

Reading Time: 2 minutes

Laga bilaabo maanta Dowlada Kenya ayaa ayaa waxaa ay amar ku soo rogtay passportka Soomaaliga kaa SS oo loogu diidayo  dal ku galka ama Visaha On Arrival ee Garoonka looga dhufanayay Baasaboorada ay qaataan xildhibaanada iyo wasiirada dowlada federalka iyo Maamul Goboleedyada.Baasabooradan mas’uuliyiinta wata ayaa hore loo siin jirey dalku-galka marka ay ka degaan garoonka diyaaradaha magaalada Nairobi on arrival.

Mid ka mid ah wasiirada dalka Soomaaliya ayaa loo diiday maanta inuu ka qaato dalku-galka ama viisaha garoonka diyaaradaha magaalada Nairobi. Sidoo dadka shacabka ayaa laga mamnuucay in ay visa loogu dhufto baaspoorka soomaaliga

Balse wararka ayaa waxa ay sheegayaan in wasiirka loo diiday dalkugalka uu isticmaalay baasaboor shisheeye ah oo uu watay taasoo markii dambe loo oggolaaday in uu galo magaalada Nairobi.

Go’aankan cusub ee dowlada Kenya qaadatay ayaa saameyn ku yeelan kara boqolaal mas’uuliyiin Soomaaliyeed oo hore ugaga qaadan jirey fiisaha ama dalkugalka garoomada diyaaradaha dalka Kenya.

Go’aankan cusub ee ay dowlada Kenya qaadatay ayaan jirin mas’uul ka mid ah Wasaarada Arrimaha Dibbada Soomaaliya oo ka hadlay balse waxa ay ku soo beegmeysaa iyadoo dowlada Kenya ay cadaadis xoog leh saareyso dowlada Soomaaliya.

Dhowaan ayaa dowlada Kenya waxa ay dib u soo celisay go’aankeedii hore ahaa in aysan diyaaradii ka soo duusho dalka Soomaaliya aysan toos uga soo deign magaalada Nairobi ayna soo marto magaalada Wajeer ee Waqooyi Bari Kenya.

Cadaadiskan ayaa ah mid u muuqda mid ay dowlada Kenya bilowday iyado ay soo dhowdahay natiijada laga sugaayay Maxkamada Caalamiga ah ee ku saabsan khilaafka Badda ee u dhexeeya dalalka Soomaaliya iyo Kenya.

error: Sorry Lama ogola in aad daabacatid
%d bloggers like this: