Guddoomiye ku xigeenka Golaha Aqalka sare ee Soomaaliya Cabdillaahi Cali Xirsi Tima-cadde ayaa hambalyo u diray Hoggaanka cusub ee loo doortay Maamulka SSC-Khaatumo.
“Waxaan halkaan uga Hambalyeynayaa Hogaanka cusub ee loo doortay Maamulka SSC- Khaatumo Mudane Cabdiqaadir Axmed Aw Cali (Firdhiye) iyo Ku-xigeenkiisa Maxamed Cabdi Ismaaciil ” ayuu yiri Sen. Tima-cadde.
“Waxaan sidoo kale u Hambalyeynayaa gudoomiyaha iyo gudoomiye ku xigeenka golaha dhexe ee SSC- Khaatumo.Dhsmaan xubnaha kale ee tartamay oo muujiyey in ay u heelan yihiin hogaaminta SSC xiligaan adag” ayuu sii raaciyay.
Madaxweyne ku xigeenka dowladda Puntland Axmed Cilmi Cismaan Karaash ayaa sidoo kale hambalyo u diray Hoggaanka cusub ee loo doortay Maamulka SSC-Khaatumo.
“Madaxweyne Axmed Karaash “Waxaan hambalyo iyo bogaadin u dirayaa Hogaamiyaha SSC Mudane Cabdiqaadir Axmed Aw Cali (Firdhiye) iyo Ku-xigeenkiisa Maxamed Cabdi Ismaaciil (Shiine) oo galabta lagu doortay magaalada Laascaanood” ayuu yiri Axmed Karaash.
“Waxaan u rajaynayaa in hogaanka cusub ay dar-dar geliyaan Arrimaha baaxada leh ee ka jira gobolka oo ay ugu horeeyaan dhamaystirka halganka iyo soo celinta Nolosha bulsho ee deegaan” ayuu ku sii daray Madaxweyne ku xigeenka Puntland.
