DFS oo sheegatay in COVID-19 24-saac ee u dambaysay laga waayay guud ahaan Soomaaliya

Reading Time: < 1 minute

Wasaaradda Caafimaadka xukuumadda Federaalka Soomaaliya, ayaa warbixintii u dambaysay oo ay soo saarto ku sheegtay in xanuunka COVID-19 laga waayay dhammaan dadkii laga baaray 24-saac ee u dambaysay.

Warbixinta Wasaaradda ayaa lagu sheegay, in 24-saac ee u dambaysay xanuunka laga baaray 770 ruux guud ahaan waddanka, islamarkaana dhammaantood laga waayay.

Sidoo kale, wasaaradda ayaa tilmaantay in 21 bukaan 24-saac ee u dambaysay ka bogsadeen xanuunka COVID-19.

Tirada guud ee cudurka laga helay tan iyo markii uu dalka ka dillaacay ayaa gaaraysa 14,779 bukaan sida laga soo xigtay warbixinta wasaaradda Caafimaadka.

Facebook Notice for EU! You need to login to view and post FB Comments!