Darawal Mooto Bajaaj oo lagu dilay isbaaro u taalo ciidanka duleedka Muqdisho

Reading Time: < 1 minute

Darawal Mooto Bajaaj ayaa goordhaweyd lagu dilay Gobolka Shabeellaha dhexe, waxana soo baxaya faah faahinno dheeraad ah oo ku aaddan dilkaasi.

Wararkii ugu dambeeyay ee naga soo gaaraya Gobolkaasi gaar ahaa degaan lagu Magacaabo Garas Deele oo hoos taga degmada Balcad ayaa sheegaya in Isbaaro taalla degaankaasi lagu dilay Wade Moote Bajaaj.

Marxuumka la dilay ayaa lagu magacaabi jiray Cali Taliye Cariif, waxaana uu ka mid ahaa wadayaasha ku shaqeysta Moota Bajaajta.

Warar ka qaar ayaa sheegaya in dilka Marxuumka uu yimid kadib markii ay lacagta Isbaarada isku fahmi waaayeen, inkastoo ay jiraan warar kale oo soo baxaya oo ku aaddan sababaha keenay in dableyda Isbaaradu u taalay ay dilaan Marxuumkaasi.

Maamulka Degmada iyo kan Gobolka wali wax war ah kama soo saarin dilkaasi, waxaana goobta uu dilka ka dhacay gaaray Ehelada Marxuumka iyo dad shacab ah kuwaasi oo meydka halkaasi kasoo qaaday.

Gobolka Shabeellaha dhexe ayaa ka mid ah meelaha ugu badan ee ay yaallaan Isbaarooyinka sharci darrada ah, waxaana horay dilal loogu gaystay darawallo ka shaqeynayay gaadiidka isaga goosha Muqdisho iyo Magaalooyinka Gobolkaasi.