Maanta oo ah maalintii afaraad ee bisha barakaysan ee Soonka ayaa waxaa Dagaal la isku adeegsanayo hubka noocayadiisa kaka duwan uu barqankmadii maanta ka bilawday dhawr jiho oo ku aadan magaalada Laascanood ah.
Dadka deegaanka iyo hoggaanka warfaafineed ee dadka deegaan ayaa warbaahinta u wada sheegay weerarkaasi oo madaafiic ku bilawday in uu ahaa mid ay soo qaadeen ciidamada maamulka Somaliland, halka Somaliland na ay sheegtay in fariisimadeeda ciidan la soo weeraray.
Bariga magaalada, barta Maraaga oo horay dagaallo uga dhaceen iyo jihooyin kale ayuu ka socdaa dagaalku, inkastoo weli aysan jirin xogo faahfaahinaya illaa hadda khasaare dhimasho iyo mid dhaawac oo ka dhalatay.
Dagaalkaan oo dhaxeeya dadka deegaanka iyo ciidamada Somaliland ayaa socoshadiisu ay haatan madaxa la siigalaysaa muddo labo bilood ah, waxaana uu ka bilaawday dadka deegaanka oo ka horyimid joogtista Somaliland ee dhulkooda.
Somaliland ayaa dhegaha ka furaysatay baaqyo caalami ah iyo kuwo maxalli ah oo loo jeediyey inay ciidankeeda kala baxdo deeganada ku solan gobolka Sool.
Magaalada Laascaanood, muddadii dagaalku ka socday waxaa ka barakacay kumanaan qoys, waxaana somaliland laysay dad shacab ah oo carruur iyo haweenba ay ku jiraan sidoo kalana Somaliland waxay burburay asaasiyaddii bulsho ee magaalada sida biyihii, korontadii, isbitaalkii, goobihii waxbarashada, masaajiddo iyo meelo kale oo muhiim ah oo ganacsi uu ka mid yahay siiba hoteellada.