Ciidanka AMISOM oo lagu bedelayo ciidamada Eriteriya iyo Itoobiya

Wargeyska The Indian Ocean Newsletter, ee hoos taga shirkadda warbixinada sirta ah ee Africa Intelligence ayaa qoray in ciidamo ka socda dalalka Eritrea iyo Ethiopia ay beddeli doonaan marka ay ciidamada AMISOM ka baxaan Soomaaliya sanadda 2021.

Ayada oo ciidamad dowladda Soomaaliya aysan weli awoodin inay si buuxda ula wareegaan ammaanka dalka, ayaa wargeyska waxa uu qoray in hogaamiyayaasha Ethiopia iyo Eritrea Abiy Ahmed Ali and Issayas Afeworki ay diyaar u yihiin in ciidamadooda ay buuxiyaan booska AMISOM.

Wargeyska The Indian Ocean Newsletter ayaa qoray in Eritrea ay durba 5,000 oo askari u diri doonto Soomaaliya marka ay ciidamada Amisom billaabaan bixitaankooda.

“Ciidamada Eritrea waxay tagi doonaan Muqdisho, ayaga oo sugi doonaa ammaanka xarumaha dowladda, garoonka diyaaradaha iyo dekedda Muqdisho” ayaa lagu yiri warbixinta The Indian Ocean Newsletter.

Ciidamada Ethiopia ayaa iyagana la wareegi doona ammaanka qeybaha kale ee guud ahaan dalka Soomaaliya, oo hadda meelo badan oo ka mid ah ay joogaan ayaga oo qeyb ka ah ciidamada Amisom.

MOL aya akhristayaasha u soo gudbisay bilihii lasoo dhaafay in heshiiska uu MW. Farmaajo la galay dalalka Itoobiya iyo Eriteriya uu ka codsaday in ciidamada AMISOM lagu bedelo ciidamado ka socda labada dal ee uu lagalay heshiiska is dhexgalka geeska Afrika, isagoo raja ka qaba in uu xukunka ku haysto xoog iyo cudud ciidamo shisheeye.

Advertisements
Xayeeysiin