Ciidamo katirsan dowladda oo gaaray degaan u dhow degmada Aadanyabaal & howlgallo socda

Reading Time: < 1 minute

Ciidamo katirsan kuwa dowladda Federaalka ah ee Soomaaliya oo kaashanaya kuwa degaanka ayaa Maanta waxaa ay howlgal ku gaareen degaanka Qooxle oo u dhow  degmada Aadanyabaal ee gobolka Shabeellaha Dhexe, halkaas oo u kuyaallo Saldhiga ugu weyn Al-Shabaab ee Gobolka Shabeellaha dhexe.

Ciidamadaan oo ka tegay meelo kamid ah gobolka hiiraan ayaa dhowr jeer dagaalo xoogan kula galay Al-Shabaab degaano katirsan gobolka hiiraan, iyaga oo degaano dhowr ah kala wareegay

Wararka la helay ayaa sheegaya in howlgalka ay ciidamada ku gaareen degaanka Qooxle ay qeyb ka yihiin diyaarado dagaal oo dusha kala socda, kuwaas oo horay dhowr jeer u duqeeyay fariismo ay ku sugnaayeen Al-Shabaab.

Saraakiil katirsan ciidamada xoogga dalka ee kusugan Gobolka Shabellaha Dhexe ayaa MOL u sheegay in ay ka go’an tahay in guud ahaan gobolka Shabeelaha Dhexe ka saaraan degaannada ay kaga sugan yihiin Al-Shabaab, howlgalladana ay sii wadi doonaan.

Dhaq dhaqaaqyo ciidan ayaa weli laga dareemayaa degaannada iyo degmooyinka gobolka Sh/Dhexe, waxana furimaha dagaalka ku sugan Xildhibaano katirsan golaha Shacabka ee Baarlamaanka Soomaaliya, kuwaas oo qeyb ka ah howlgallada.