Cabdi Siciid  Muuse oo Kala Tuurid ku wada W. Ariimaha Dibadda.

Reading Time: < 1 minute

MOL ayaa ogaatay warar sheegaya in maanta oo sabti aheyd shaqada laga eryey diblomaasiyiin katirsanaa Wasaarada Arimaha dibada Soomaaliya.

Inkastoo hay’adaha dawlada xeer kasoo baxay Madaxweyne Farmaajo la sheegay in aan xil laga qaadi karin xilna la magacaabi karin xilligaan hadana Wasaarada Arimaha Dibada ayaa iyadu la sheegay in xeerkaasi uusan saameyn ku laheyn.

Diplumaasiyiin ka howlgala Wasaaradda arimaha dibadda Soomaaliya ayaa caawa fiidkii waxay xaqiijiyeen in dhowr sargaal oo ku magacaabnaa xilal sare laga qaaday maanta loona magacaabay xubno kale.

Cabdisiciid  Muuse waa shakhsiga iibsan raba guriiga weyn ee safaaradda Somaliya ee Rooma, waana sababta shaqaale badan loo eryayo si loo banneysto dhaca. Waxaa kamid ahaa dadkii la eryey safiirkii Rooma Gen. Cabdiraxman Sh Ciise.

Wasiirka arimaha dibadda Soomaaliya Cabdi Saciid Muuse Cali, ayaa xilka ka qaaday agaasime Waaxeedyada kala ah:

1: Agaasimihii Waaxda iskaashiga Caalamiga ah.

2: Agaasimihii Waaxda Africa.

3: Agaasimihii Arkiifiyada (qeybta keydka)

Wasiir Cabdi Saciid Muuse ayaa ka mid ah xubnaha aadka ugu dhaw Madaxweyne Farmaajo qeybna ka yahay mas’uuliyiinta ka shaqeenaya dib udoorashadiisa.