MUDADA KA HARSAN XILKA XAFIISKA MADAXWEYNE FARMAAJO
105 days
23 hours
05 minutes
23 seconds
Reading Time: 2 minutes
MUDADA KA HARSAN XILKA XAFIISKA MADAXWEYNE FARMAAJO
105 days
23 hours
05 minutes
23 seconds

Ciidamada Hay’adda Nabad-Sugidda iyo Sirdoonka Qaranka Soomaaliya ee NISA ayaa xalay gurigiisa magaalada Muqdisho kasoo xiray ganacsade Xaaji Abuukar Cumar Cadaan, oo ka mid ah shaqsiyaadka ugu taajirsan Soomaaliya.

Sida ay noo xaqiijiyeen ilo-wareedyo lagu kalsoon yahay, Xaaji Abuukar Cumar Cadaan ayaa waxaa amarka lagu soo xiray bixiyay MW Farmaajo taasoo lala xiriirinayo arrimo siyaasadeed & cabsi uu MW Farmaajo ka qabo in looga guuleysto doorashada lagu wado in aay dalka ka dhacdo bisha Febraayo ee sanadka foodda nagu soo haya ee 2021.

Xaaji Abuukar Cumar Cadaan ayaa wareysi uu Jimcihii siiyey Idaacadda Kulmiye ee magaalada Muqdisho, waxa uu si cad ugu sheegay inuu taageersan yahay mabda’a ay ku taagan yihiin Al-Shabaab iyo in la baabi’iyo “gaalada” Xalane ku jirta.

“Weligey nin siyaasi ah wax gaar ah lama qabsan, dan gaar ahna kama lihi, Shabaab mabda’a ay ku taagan yihiin, oo ay jidka ugu jiraan waan teegeersanahay, been sheege nacallaaa ku yaalla, in gaaladan gaafuurada weyn leh ee Xalane ku jirta la baaba’sho waan rabaa, iyo waxa la socda, aniga been kuu sheegi maa, cidna ka baqi maa,” ayuu yiri.

Mar la weydiiyey su’aal ay ahayd qaraxyada ma ku taageersan tahay, waxa uu yiri “qaraxyada waxay ula jeedaan ayagaa og he, waa la weydiihaa qof kasta camalka ay sameyso.”

Abuukar Cumar Cadaan ayaa sidoo kale sheegay in dalka ay haystaan “nimanka Xalane fadhiya,” balse waxa uu yiri “sii haysan maayaan Insha Allah.”

Wareysiga Idaacadda Kulmiye oo ahaa goos-goos ah ayaa la filayaa in si rasmi ah loo sii daayo maanta oo Sabti ah.

Xarigan ayaa imanaya ayada oo sidoo kale ciidamada NISA ay ku dhowaan saddex toddobaad ka hor xireen tobaneeyo ganacsato oo uu ku jiro Xaaji Maxamuud Cumar Cadaan oo la dashay ganacsade Abuukar Cumar Cadaan.

Sababta loo xiray ganacsatadan ayaa lagu sheegay inay la xariirto macaamil dhex maray iyaga iyo Al-Shabaab, waxaana weli ay ku jiraan xabsiga, ayaga oo cadaalad u doonta maxkamad Al-Shabaab.