Al-shabaab iyo Hogaamiye Ajnabi ah oo khilaaf ka dhex-curtay (Aqriso)

Reading Time: < 1 minute

Hay’adda Sirdoonka Dalka Kenya ayaa sheegtay in Dhaq dhaqaaqa Al­shabaab ay raadinayaan Mowliid Maxamed Bilaal oo u dhashay Dalka Kenya kaas oo kka mid ahaa saraakiisha ugu sarresay Al­shabab ee Kenya ka soo jeeda.

Ninkan ayey Sirdoonka Kenya sheegeen in uu ka baxsaday Al­shabaab markii loo diray howlgal uu ka fulin lahaa Gobolka Soomaalida ee Kenya ay maamusho.

Dhinaca kale Sirdoonka Kenya ayaa sheegay in uu khilaaf soo kala dhexgalay Saraakiisha Kenyaanka ah ee ku jira AL­shabab iyo hoggaanka ugu sarreeya.

Waxaa ay tusaale u soo qaateen Madaxii Al­shabaab ee Kenya Axmed Iimaan Cali oo 22kii March ku dhintay duqeyn ka dhacday Bu’aale.

Dowladda Kenya ayaa sheegtay in Axmed uu isku dayay in uu ka baxsado Al­shabaab kuna biiro Ururka Daacish,waxaa uu geeriyooday isaga oo ku jiray Guri ku yaalla Bui’aale halkaas oo uu ku  dhuumaaleysanayay sida ay sheegeen sirdoonka Kenya.

Hay’adaha amaanka ee Kenya ayaa u sheegay Wargeyska Daily Nation in Al­shabaab ay hadda raadinayaan sarkaal sare oo ka soo jeeda dalka Kenya kaas oo noqonaya madaxa cusub ee AL­shabaab u qaabilsanaanaya howlgallada Kenya.

Sirdoonka Kenya ayaa sheegaya in Khilaafka u dhaxeeya labada dhinac uu ka dhashay markii hoggaamiyaha ugu sareeya AL­shabab oo ay sheegeen in uu xanuunsanayo uu diiday in uu xilka isaga dego.