Al Shabaab Iyo Ciidanka Dowlada oo Ku Dagalamaya Gobolka Bakool

Reading Time: < 1 minute

Wararaka inaga soo gaaraya degaan ku dhaw degmada Tiyeeglow ee Gobolka Bakool ayaa waxa ay sheegayaan in dagaal culus uu ka socdo halkaasi.

Dagaalkan ayaa waxa uu u dhaxeeyaa Ciidamo ka tirsan Millitariga Soomaaliya iyo kuwa Koonfur Galbeed oo isku dhinac ah iyo ururka Al-shabaab.

Dagaalka ayaa yimid kadib markii xoogaga ururka Al-shabaab ay wadada u galeen Kolonyo Ciidan oo galbinayay Sahay Shidaal, kuwaasi oo u sii jeeday degaano ka tirsan Gobolka Bakool.

Dadka degaanka ayaa inoo sheegay in ay maqlayaan Hubka culus ee la isku adeegsanayo dagaalka, waxaana dagaalka uu yahay mid goos goos ah.