[Akhriso] Rooble oo magacaabay Guddiga Doorashooyinka 2021

Reading Time: 2 minutes

Ra’iisal wasaaraha xukuumadda Xilgaarsiinta Maxamed Xuseen Rooble ayaa caawa magacaabay Guddiyada Doorashada dadban ee Federaalka, Maamul Goboleedyada iyo Xalinta Khilaafaadka.

Guddiyadan ayaa magacyadooda la shaaciyey, iyagoo ah Guddiyadii hore oo wax laga bedelay, waxaana qoraal kasoo baxay xafiiska Ra’iisal wasaare Rooble lagu sheegay, kadib markii dib u eegis iyo wax ka baddel lagu sameeyay sidii uu dhigayay heshiiskii 27-kii May ee Golaha Wadatashiga Qaranka in lasoo saaray liiska Guddiyan.

Waxaa liiski hore laga saaray 34 xubnood oo ka mid ahaa 67 xubnood oo cabasho laga keenay, waxaana lagu celiyay dhinacyadii ay markii hore ka yimaadeen xubnahaasi, si loo soo bedelo, muddo kadib dhamaan Dowlad Goboleedyada iyo Somaliland waa ay soo gudbiyeen liisaskii wax ka badalka lagu soo sameeyay.

Waxaa mar kale la bedela 6 xubnood oo lasheegay inaysan buuxin shuruudaha looga baahan yahay xubnaha guddiga, waxayna xubnaha laga saaray guddiyada gaareen 40 xubnood.

Facebook Notice for EU! You need to login to view and post FB Comments!