Magaalada Muqdisho waxaa maanta dib ugu soo laabtay oo lagu soodhaweeyay Afhayeenka Xukuumadda Soomaaliya Maxamed Ibraahim Macalimuu, kadib markii uu kasoo bogsaday qarixii uu ku dhaawacmay ee lala eegtay Gaari u saarnaa.
Soodhaweynta Afhayeenka waxaa qeyb ka ahaa mas’uuliyiin ka tirsan dowladda Soomaaliya, Bahda Saxaafadda, Ehelkiisa iyo qaar kamid ah saaxiibadiis.
Macalimuu ayaa haatan ah musharax u taagan Mid ka mid ah kuraasta deegaan doorashadooda tahay Beledweyne, isagoo qorshihiisa imaanshaha uu salka ku haayo u tartamida kursigaas Golaha Shacabka ah ee Baarlamaanka 11-aad.
Afhayeenka Xukuumadda Maxamed Ibraahim Macalimuu waxaa uu dhaawac culus kasoo gaaray qarax ismiidaamin ah oo muqdisho lagula eegtay 16-kii Bishii Janaayo, iyadoo dhaawicii kasoo gaaray qaraxaas loo geeyay dalka Turkiga si xaaladiisa caafimaad halkaa loogu dabiibo.
