Abiy iyo Muuse Biixi oo kala saxiixday is-afgarad song kala bedelanyo BAD iyo AQOONSI

Reading Time: 2 minutes

Ra’iisul Wasaaraha Itoobiya Abiy Ahmed iyo Madaxweynaha Somaliland Muuse Biixi Cabdi ayaa maanta magaalada Addis Ababa ku kala saxiixday is-afgarad (Momentum of Understanding) taariikhi ah, sida song sheegay bayaan kasoo baxay xafiiska Abiy.

Is-afgaradka oo loogu yeeray mid iskaashi iyo wada-shaqeyn ayaa bayaanka song sheegay in loogo talogalay in uu noqdo qaab-dhismeedka iskaashi dhinacyada badan leh oo dhex-mara labada dhinac.

“Is-afgaradka waxa uu u gogol xaari doonaa ka dhabeynta hamiga Itoobiya ee ku aaddan xaqiijinta inay marin u hesho badda iyo kordhinta dekedaha kala duwan. Is-fagaradka waxa kale uu xoojinayaa iskaashiga dhinacyada amniga, dhaqaalaha iyo siyaasadda.

Dhinaca kale, madaxweynaha Somaliland, oo ka hadlay shir jaraaa’iid oo ay wada-qabteen Abiy Ahmed ayaa sheegay in Somaliland ay is-afgaradkan ku beddelatay in Itoobiya ay u aqoonsanto Somaliland dal madax-banaan marka heshiiska la saxiixo.

Muuse Biixi ayaa sheegay in Somaliland ay siineyso Itobiya dhul-badeed dhan 20 km oo ay degaan ciidankooda badda, kaasi oo uu sheegay inuu yahay kiro.

Muuse Biixi ayaa sheegay in is-afgaradka uu dan u yahoo labada dhinacba, oo midba uu helayo waxa uu aadka ugu baahan yahoo, oo ah in Somaliland ay hesho aqoonsi, Itobiyana ay markii ugu horreyso hesho bad.

“Itoobiya waxay noqon doontaa dalkii ugu horreeyey ee aqoonsada Somaliland marka heshiiska la saxiixo, anagana waxaan noqon doonnaa dalkii ugu horreeyey ee bad 20 km ah siiya Itoobiya,” ayuu yiri Muuse Biixi.

Waxaa xusid mudan in warqadda kasoo baxday xafiiska Abiy Ahmed aanu song xusin aqoonsiga uu shaaciyey Muuse Biixi. Hase yeeshee Muuse Biixi waxa uu caddeeyey in arrintaas ay ku qoran tahay is-afgaradka la kala saxiixday.

Xafiiska Abiy Ahmed wuxuu sheegay in is-afgaradka uu xaqiijinayo horumarinta danaha labada dhinac.

Dowladda Federaalka Soomaaliya ayaan deg deg uga jawaabin is-afgaradka. Hase yeeshee, haddii sida Muuse Biixi uu u sheegay uu u qoran yahoo waa xadgudub weyn oo Itoobiya ay ku sameysay madax-banaanida iyo qarannimada Soomaaliya.

Is-afgaradka ayaa yimid maalmo kadib markii madaxda Dowladda Federaalka iyo Somaliland ay heshiis ku aaddan sii wadista wada-hadallada ku kala saxiixdeen dalka Jabuuti. Ma cadda haddii ay xiriiraan labada dhacdo.

Hoos ka daawo Muuse Biixi oo shaacinaya heshiiska